sábado 28/05/22
A cita internacional terá lugar entre os días 10 e 17 de xullo

Digresk, Os D'Abaixo e Dequenvessendo súmanse ao cartel do festival celta de Ortigueira

Os franceses Digresk unha das últimas confirmacións do festival celta de Ortigueira
Os franceses Digresk, unha das últimas confirmacións do festival celta de Ortigueira

O Festival Internacional do Mundo Celta de Ortigueira vén de anunciar a incorporación ao seu cartel da edición 2022 dos grupos Digresk, Os D'Abaixo e Dequenvessendo, que se celebrará do 10 ao 17 xullo na localidade de Ferrolterra. Así, estas tres formacións únense a Tanxugueiras, os escoceses Red Hot Chilli Pipers, Wofstone, Luar na Lubre, Baiuca, Susana Seivane, Covagueira, Talisk, Xosé Lois Romero e Aliboria.

Os galos de Digresk chegan a Ortigueira a súa mistura de rock e música electrónica que eles mesmos denominan Trad Electro Rock con moitas letras reivindicativas e que sen dúbida convidarán ao público a bailar durante a súa actución o sábado 16 de xullo. 

Pola súa banda, a formación galega de folk, Dequevessendo, despois de arrasar como grupo revelación no Concurso de Runas do 2019, presentará en Ortigueira, o domingo 17 de xullo, o seu novo traballo Canto das Xacias cargado de ritmos celtas e atlánticos.

Os D'Abaixo repiten de novo no festival e tamén o domingo 17 presentarán Somos a Pedra que mantén o seu característico espírito festivo, pero nunha liña máis reivindicativa contra os ataque que sofre a cultura galega.

comentarios
Entrando na páxina solicitada Saltar publicidade