O Concello de Moeche vén de presentar o campamento deportivo de Semana Santa cunha finalidade lúdica para que os rapaces enchan o seu tempo de lecer e tamén para ofrecerlle ás familias un servizo de conciliación. O campamento desenvolverase os días 11, 12 e 13 de abril, está orientado aos rapaces con idades comprendidas entre os 4 e os 12 anos e terá un horario de 10.00 a 14.00 horas.
Todos os interesados poden inscribirse ata o vindeiro 8 de abril na Sede Electrónica ou ben entregando cumprimentada a folla da solicitude presencialmente no mesmo Concello. O prezo do campamento é de 20 euros e inclúe a merenda a media mañá e o seguro.
Os rapaces desfrutarán do pilla-pilla, carreiras de relevos, brilé, fútbol, minibásket, bádminton, en un sin fin de actividades nas que tamén se inclúen varias propostas máis relaxadas para que os nenos exerciten a mente. Ademáis os participantes recibirán dúas visitas a da Escudería Moeche que levarán un coche de rali para que coñezan máis a fondo este deporte de motor. A outra visita será a do Club de Kickboxing Sansa que fará unha exhibición e daralles nocións desta arte marcial.
Ofrécense un total de 15 prazas para as que terán prioridade os rapaces empadroados en Moeche, e o Pavillón Municipal acollerá o campamento o luns 11 de abril e o mércores 13 de abril, mentres que o martes trasladarase á Nave do Mercado.
