Venres. 24.05.2024

Xa pasaron cincuenta anos desde a botadura do buque petroleiro Arteaga que supuxo un fito histórico da construcción naval e para a comarca de Ferrolterra, que situou a Astano entre os mellores astilleiros do mundo. Para conmemorar este aniversario, a Fundación Exponav inaugura este xoves, 21 de abril, no Museo da Contrución Naval de Ferrol a exposición Arteaga. A botadura dun xigante, xa que por aquel entón foi o buque máis grande botado en grada.

A Sala Carlos III do Edificio de Herrerías abrirá a mostra cunha mesa redonda (19.00 horas) na que tomarán parte cinco dos técnicos protagonistas daquel proxecto: José García Díaz (responsable de métodos de soldadura), Alfonso García Ascaso (xefe do departamento técnico de ofertas e contratos), Rafael Montero Baquedano (responsable de montaxe da Grúa Pórtico), Emilio Sánchez Jiménez (xefe de estruturas do departamento de calidade) e Amable Dopico Freire (enxeñeiro de Gradas) e que recordarán aos asistentes á inauguración da exposición como desenvolveuse a construción e a botadura do buque. O enxeñeiro José María de Juan, colaborador da Fundación Exponav, encargarase de moderar a mesa.

Os visitantes que acudan á exposición, que permanecerá aberta ata o vindeiro 15 de maio, poderán coñecer a través de paneis descritivos , maquetas do astilleiro fenés, do buque e outros elementos toda a información sobre o Arteaga, tanto no referente á tecnoloxía como ao factor humano da súa construción e que situou a Astano no cumio dos mellores astilleiros do mundo.

Os interesados en visitar a exposición, ata o 15 de maio, poden acudir ao Museo da Construción Naval de martes a venres de 10.00 a 15.00 horas e de 16.00 a 19.00 horas, os sábados de 11.00 a 19.00 horas e os domingo de 11.00 a 15.00 horas.