18:28 do 11 de xuño de 2024
A delegada territorial da Xunta en Ferrol, Martina Aneiros, participou na comisión de seguimento da situación producida pola proliferación de moscas na parroquia de O Val, en Narón, convocada polo Concello e presidida pola alcaldesa da localidade, Marián Ferreiro.
Durante o encontro, que serviu para revisar a situación actual desta problemática que se repite cada ano desde 2020 coa chegada da época estival e a subida das temperaturas, a delegada territorial reiterou a colaboración do Goberno galego en aqueles ámbitos que sexan de competencia autonómica.
Na reunión participaron ademais técnicos municipais e da Consellería de Sanidade, representantes da corporación e membros da asociación veciñal Irmandiños do Val.
