O concelleiro de Presidencia, Relacións Institucionais, Turismo e delegado do Ano Santo do Concello compostelano, Sindo Ginarte, asistiu o 7 de outubro á reunión da comisión executiva da Asociación de Municipios do Camiño de Santiago (AMCS), e na que se aprobou o Plan Estratéxico da entidade, que foi presentado pola nova secretaría técnica que desempeña a Fundación Santa María La Real.
Os principais obxectivos que márcase este plan son os de aumentar a visibilidade da asociación, seguir crecendo no eido da cooperación entre os concellos da ruta xacobea, incrementar os recurso da asociación e realizar e poñer en marcha iniciativas no ámbito medioambiental do Camiño de Santiago.
Durante a reunión tamén falouse sobre a axenda de traballo, do plan de comunicación e abordouse a reforma dos estatutos da asociación, para o cal constituíuse unha comisión da que forma parte Ginarte. Ademais, púsoxe sobre a mesa, a posibilidade de crear unha agrupación de cooperación territorial europea con ACIR Compostelle, e coa Federación Francesa de Asociacións des Camiños de Santiago.
Tamén informouse aos asistentes ao encontro sobre os proxectos que están en marcha, sobre a organización o vindeiro día 4 de novembro en Santiago dunha reunión do Comité Científico da AMCS, e os días 5 e 6 levaraxe a cabo unha xuntaza dos alcaldes e alcaldesas da asociación, que tamén participarán nunha ofrenda na Catedral e nunha recepción por parte do alcalde compostelano, Xosé Sánchez Bugallo.
Enrique Maya Miranda, presidente de AMCS, e o seu homólogo na Federación Española de Amigos do Camiño de Santiago, Jorge Martínez-Cava, asinaron un acordo mediante o cal abren a porta á futuras colaboracións centradas principalmente na celebración de eventos culturais e o intercambio de experiencias en torno ao Camiño de Santiago.
AMCS é unha entidade sen ánimo de lucro integrada polos concellos do Camiño Francés. Naceu para contribuír á xestión e promoción da ruta xacobea. Fundouse no ano 2015 en Burgos, aínda que xa no 2011, asinouse un protocolo para a súa constitución.
