O concelleiro de Participación, Javier Díaz, deu conta esta mañá en comisión dos datos de chamadas, correos electrónicos e suxestións recibidas polo Concello de Ferrol no mes de novembro, facendo fincapé en que escoitar as necesidades da cidadanía é unha prioridade para o goberno local.
Neste sentido, o edil informou de que a centralita do Concello de Ferrol atendeu 5.175 chamadas no pasado mes. O departamento que rexistrou un maior número delas foi a Oficina de Atención Cidadá (3.690), seguido por Recadación (241), Edificio Social (162) e Urbanismo (155).
Por outra banda, recibíronse 47 solicitudes por incidencias por negociados a través do enderezo electrónico [email protected]. Delas, 19 ían dirixidas a Conserxería, 10 a Estatística e catro a Servizos, entre outras destinadas á Policía Local (3), Urbanismo (2), Deportes (2), Cultura (2), Persoal (2), Cemiterio (2), Educación (1), Recadación (1), Policía Local- multas (1), Medioambiente (1).
Así mesmo, o buzón de suxestións recolleu 15 escritos relativos á solicitude de reunións co alcalde e cos diferentes concelleiros, así como á iluminación de Nadal e informando sobre unha farola fundida que xa foi reparada.C
